نقدم لكم في هذا المقال تجميع لتجارب سابقة حقيقية للاختبارات الشفوية لمباراة التعليم بالتعاقد 2023.
ملاحظة : سيتم إضافة المزيد و العديد من التجارب فور توفرها
تجربة 1 (سلك التعليم الابتدائي مزدوج)
المترشحة 1 تحكي :
المهم شوفو اللجنة بحالك بحالهم متخافوش والله كلشي ايدوز بالخير. اول حاجة دخلنا واحد القاعة من 8 نتسناو من بعد بداو كيعيطو بالسبعة ولا كثر يمشيو واحد القاعة كتدورو على الطابلة وتعزلو كل واحد لجنة لي تجي عندو من بعد كتختارو الدرس لي غيجي فيكم متخافوش دروس ساهلة،بحال الصرف والتحويل les accents les déterminations possessifs,la voix active et passive من 9 تال 11 كين لي كتجي فيه نص والاسئلة تحتو،كين التعبير الشفوي ولا القراءة ،مهم نتا وزهرك،لكن متخافوش كين الكتب المدرسية لي تعاونو بيها،وكين شي لجنة كتعطيك الدرس بالقاعدة ونتي تصاوبي جدادة ،انا جات فيا جدادة grammaire,صافي من بعد ما دخلت خداو مني البطاقة الوطنية ،انا نضت نيشان باغا نقدم الدرس ،هههههههه اوهوما يقول لي جلسي رتاحي بعدا،presentez vous,علاش التعليم.... سولوني فالمات ،المساحة والحجم ،توحيد المقامات ،النشاط العلمي ،شنو البيداغوجية لي كنخدمو بيها،مهم داكشي عادي وبسيط متخافوش ،اه العربية عطيني جملة فيها النعت شنو التوابع ديالو...،وبزاف الأسئلة هاكا،كوني جملة من ناسخ فعلي وحرفي،phrase mn COD oCOI... مهم راهم عاديين ووسط الدرس ايقاطعوك عادي انا مكملتوش كاع،متبقاوش مخلوعين انا غير دخلت وقدمت راسي مشا مني التوتر،ووليت مرتاحة لي عرفتو قولوها ولي معرفتوش ايصحوها ليكم. دعيو معايا انا راه واعدتكم يلاه خرجت كنكتب ليكم وشي دعيوة من القلب ،الله يسهل علينا أجمعين 🧡❤️❤️❤️
تجربة 2 (سلك التعليم الابتدائي مزدوج)
المترشح 2 يحكي :
تجربتي اليوم في مقابلة الشفوي (الجهة شفشاون) :
عندة الوصول اخترت موضوع الدرس من خلال اجراء قرعة، و كان درسي عبارة عن تقديم الحصة الاولى من النص الوظيفي، بعدة ذلك دخلت لقاعة الإختبار ثم طلب مني ان اقدم نفسي باللغتين العربية و الفرنسية بعد ذالك اعطوا لي حرية اختيار تقديم الدرس في السبورة او عبارة عن مناقشة الخطوات.
بدأت مناقشة المراحل الخاصة بالنص الوظيفي للحصة الأولى (استراتيجية ما قبل القراءة) ، ثم تم سؤالي حول المقصود بالتعليم الاولي للقراءة، و من ثم بيان خطواته كما تمت مناقشتي حول الخطوات المتبعة و التي اعتمدتها في التقديم بعدة ذالك طلبت مني بيان انواع قراءة الصورة، و من ثم توجهوا للغة الفرنسية من خلال قراءة النص و استخراج بعض الأفعال و الكلمات، و بيان معنى النص و هدفه، و ذكر مراحل تدريس القراءة باللغة الفرنسية، و كتابة بعض الجمل و الكلمات. و في الرياضيات تم اعطائي عملية الطرح في الاعداد العشرية، و من ثم طلبوا مني قراءة هذا السؤال و الإجابة عنه.
احسب مساحة المستطيل :
L= 17.8 cm
l= 23 mm
و في علوم التربية تم سؤالي عن خريطة الطريق و قانون الإيطار، و بعدها مجالس المؤسسة و من يترأس مجلس التدبير ، و بعدها اعطوني وضعية خاصة بتلميذ انطوائي، ثم وضعية لها علاقة بمشكل وقع لك مع المدير، و ثم الصعوبات التي ممكن ان اواجهها اثناء تدريسي في المناطق النائية.
كما تم سؤالي عن مستواي في الإعلاميات و كيف يمكن ان اوضفه في العملية التعليمية التعلمية، و كيف يمكنني استخدامه في هذا الدرس.
تجربة 3 (سلك التعليم الابتدائي مزدوج)
المترشحة 3 تحكي :
تجربتي مع الشفوي بالدار البيضاء دخلت للقاعة فيها 3 اشخاص خديت ورقة فيها رقم 1 او مشيت خديت ملف رقم 1 خديتو هبطت للقاعة فيها الحراسة خداو من عندنا التيليفونات او بديت كنقرا فداك الشي لقيتو عبارة عن موضوع او غادا نبرز أهمية داك شي لي فيه يعني ماغاداش نقدم درس او صافي صايبتهم طلعت للقاعة دخلت قالو ليا قدمي راسك بالعربية او هدري على الموضوع ديالك هدرت عليه عادي او غير ناقشتو معاهم ساليت سولوني بالفرنسية علاش ختاريت التعليم الإبتدائي جاوبتهم قالت ليا نوضي لسبورة كتبي جملة مجبدة بالفرنسية او جبدي سيجي او علاش كتبتي هادي من هنا او عطاوني عماليات حسابية فيها الضرب الكسر او عطاوني جمل بالعربية نعربها... او عاد او انا كنهدر فالموضوع ديالي كيسولوني على. الكلامات علاش تعربات هكا او علاش ماشي هكا ... او اشنو الجزء لي عجبك فالموضوع ديالك او واش عندك مع المعلوميات او كيفاش غادا تصايبي درس او اشنو المكونات لي كينا فالمستوى الخامس ... صاراحة شحرو معايا والله مي الخير فيما اختاره الله طمنوني عافاكم بالنسبة للناس لي ماجاوبوش مزيان واش نجحو ولا لا حيت صاراحة ماجاوبتش مزيان حيت راهم متمكنين ديال بصح او كيشدوك من اي حاجة او انا كنت متوترة.
تجربة 4 (سلك التعليم الابتدائي مزدوج)
مهم جيت نعاود ليكم تجربتي في الامتحان الشفوي كندخلو للقاعة 9 اشخاص كل واحد كيمشي عند لجنة كيقدم راسو بالفرنسية او العربية او هما معا ومنبعد كيعملو ليه القرعة فشي مادة نتا وزهرك كينا وضعية اعداد درس واسئلة مباشرة كينا دراسة حالة انا جاتني اعداد درس الرياضيات خاصة الدالة الهندسية معرفتش واش غندوز التخصص لا حولا كنرجعو القاعة الحراسة عندنا جوج ساعات نوجده المراجع لي عاملين تماك غير الكتب للمدرسية ديال الابتدائي للاشارة انا ملقيت مرجع حيت درس ديال الباك مني كتسالي المدة كتمشي عند نفس اللجنة تقدم درس على حسب كين لي غير يكتفو يقولو ليك قراي لينا الجدادة وطرح شي اسئلة في مراجل الجدادة مني كتسالي كتمشي تكلس واراك الفراجة 20 سؤال فرنسية 15 سؤال عربية 17 سؤال رياضيات العلوم بغاو يسولوني قتلهم ممرجعهاش وعاد ديداكتيك واعلوم تربية شي 6 اسييلة بالتوفيق للجميع.
تجربة 5 (تخصص مادة التربية الاسلامية)
تجربة 6 (سلك التعليم الابتدائي مزدوج)
عطاوني ثلاثة د الوضعيات نصاوبهم الفرنسية او العربية او الماط درت جوج او قبل منكمل التحضير ديال الثالثة كالو لينا خاصكم تبداو اوا بديت بهاديك اللي مقستهاش واش اعباد النص هههه مقريتوش او داخل ناقشو مع اللجنة واكواك الحق او ندوزو للفرنسية صاوبت درس بغيت نقدمو بداكشي اللي درت صدقو كاليك دير جمل اخرى من عندك او افعال اخرى من عندك اوا سييير على الله 😂 و صلنا للرياضيات الوضعية قدموها ليا بالعربية كلت لباس وجدت دكشي ملي بغيت نبدا قلبوها او كاليك ترجم هذشي كامل للفرنسية الله يا سيدي ربي اوا المهم زربت خربقت او رجعت ...
تجربة 7 (سلك التعليم الابتدائي مزدوج)
3taw as2ila 3adiyin kola wchno lmada lijat fig makayninch lmaraji3, bhal matalan bent 3tawha voix actif et passif, galo lha les étape Bach t9dem drs, w3tawha tkteb expression écrite, Kayn li3tawh texte ydir lo résumé w des qst d comprehension w les étape d la fiche..... Plupart Kant endhum wad3iya en français...
تجربة 8 (سلك الثانوي)
المترشح 8 يحكي :
سلام الاخوان و الاخوات المهم ليوما دوزت الشفوي فالتخصص داكشي فالمستوى مع القليل ديال الحظ تقدر لقا راسك ناجح ان شاءالله. متخلعوا ماولو ..اللجنة لي ناقشتني كانو متفهمين، الملاحظة ديالي انهم كيركزو بزاف على التخصص. وهادشي لي سمعت حتى من المتبارين لاخرين. على العموم ديدخلوك لواحد القاعة كاع التخصصات، المزدوج فقاعة بوحدهم، وكيدير لابيل كيعطيك رقم القاعة. كتمشي ليها كتلقى اللجنة كيقوليك هز جوا فيه ورقة صغيرة فيها الاسئلة كلها مباشرة . من بعد كتمشي لواحد القاعة فيها كاع التخصصات عندك 2 سوايع باش تجاوب على كاع الاسئلة لي فالورقة، كتسالي كترجع عند اللجنة كيطلبو منك تقرا كل سؤال لي فديك الورقة و الجواب ديالو لي كتبتي...اه نسيت كيعطيوك المقرر الدراسي او شي ورقة فيها نص مرجعي على حساب التخصص ديالك. من بعد كيقوليك عرف بنفسك و كيبداو الاسئلة لي كتكون مباشرة فالغالب. الله يوفقكم .
نماذج لوضعيات اختبارية (سلك التعليم الابتدائي مزدوج)
نماذج لوضعيات اختبارية (تخصص مادة التربية الاسلامية)
